Алар атаган җырлар саны ике йөздән артты – әмма без үзебезне аңлы рәвештә йөз җыр белән чикләдек. Үзебенең дә кайбер бик яраткан җырларыбыз сайтка керми калды — тик бу шуны гына аңлата: татар музыкасы искиткеч матур көйләргә һәм күңелгә үтеп керерлек җыр сүзләренә шулкадәр бай, шуңа күрә аны әле тагын озак еллар дәвамында өйрәнергә була.
XX гасыр — татар музыкасы сәхнәгә чыккан һәм халыкка таралуның яңа юлларын тапкан чор. Йөз ел дәвамында ул баеган, үзгәргән, төрле йогынтыларга эләккән, юлда нәрсәнедер югалтып, ниндидер яңа әйберләрне үзенә алган. Аңлашыла, хәтта татар музыкасының классик үрнәкләре дип саналган халык җырлары да каноннан бик ерак яңгырый. Инструментлар, интонацияләр, мелодик рәт, тембрлар үзгәрә. Ләкин яхшы татар җырында һәрвакыт ниндидер күңелне үзенә тартып торучы әйбер була, анда текст, көй, ритм, гомуми атмосфера һәм тыңлаучы арасында туган гармония бар.

Сайтны булдыруда безгә ярдәм иткән экспертларга рәхмәтебезне җиткерергә телибез:
Идрис Газиев, Гүзәл Сәгыйтова, Эльмир Низамов, Фердинанд Сәләхов, Лилия Сәрвәрова, Сиринә Латыйпова, Зөлфия Камалова, Резеда Әхиярова, Саидә Мөхәммәтҗанова, Луиза Батыр-Болгари, Гөлдания Хәйруллина, Рабит Батулла, Разил Вәлиев, Ирада Әюпова, Инсаф Хәмитов, Раил Сәдретдинов, Земфира Сәйдәшева.